在家千日好

今日天氣陰陰咁,又落雨,所以我選擇咗响屋企閉關。嘩！真舒服,我同２隻狗都瞓到黃朝白晏先起身,正！適逢老豆又去咗台北,所以屋企得返我一個,成間屋俾我霸哂！發覺原來我都幾鍾意自己一個人响屋企靜靜地咁ｈｅａ吓,無咩點做過嘢都可以搞成日！不過其實有好多嘢等住我做,老豆臨走前叫我趁放假執吓個衣櫃同d鞋,佢話太多喎無位擺,叫我搞搞佢,咁又真係好似多咗ｄ嘅,成日搞到我ｄ新衫無位擺,睇嚟要嚟一個衣櫃大掃除。等我執好之後咪可以再買新衫囉！好嘢！等我俾心機執先！

致陳小涴: 唔好意思呀,因為要留响屋企看狗,所以無出嚟同你食飯,唔好嬲吓,下次出嚟請食飯補數!