板前壽司好好味呀！

卒之都得閒寫blog啦,之前日日勁返工,每日祗係得２個活動: 返工同訓覺。今日卒之得閒啦,下午同thomas出咗銅鑼灣行街,主要目的係陪佢買西裝。由於呢條友仔識咗我之後好食好往嘅關係, 身形"紥實"咗唔少,所以好多西裝都唔啱着囉！行完街街之後我哋去咗食"板前壽司",呢間嘢真誇張,我哋６點幾攞飛等到９點先有得食‧‧‧‧,過又真係幾好食喎,嗰度ｄ壽司件件都係魚生冚過舊飯架,十足十日本嗰啲咁。我哋２個人食咗成十幾碟壽司: 三文魚、帶子、芝士三文魚籽、天婦羅蝦、和牛、豚拖羅、軟殼蟹卷、炸蝦卷、蟹籽蟹肉沙律‧‧‧‧,食到勁飽,好滿足呀！

p.s. 我聽日去三藩市探三叔一家,好耐無做過long flight呀,好緊張！